போகும் பாதைகளும் சரியில்லை
முழுமைக்குள் சுழியமாய்
நீண்டுகொண்டே இருக்கிறது பயணம்...
மெல்லச் சிறகடிக்கும் பறவைகளையோ
மேனி தீண்டும் தூரல்களையோ
சிரித்துக் கடக்கும் மழலைகளையோ
பார்க்கமுடியா பாரத்தோடு தொடர்கிறது பயணம்...
மனதில் நெருங்கி இருந்த உறவுகள்
கைக்குள் அடங்கிப் போன உலகத்தில்
அருகில் இருந்தாலும் அருகாமையாய் நினைத்து
விலகிக்கிடக்கும் உறவின் பயணம்...
அடைபட்ட அறைக்குள் ஆளுக்கோர் அலைபேசி
உறவுகளைத்தேடி சமூக தளங்களில் தேடல்
மாய உலகத்து மண்ணுக்குள்
வாழ்வதை மறந்த பிழைக்கும் பயணம்
எழுதித் தீர்த்த நாட்களும் போயின
பேசித் தீர்த்த நாட்களும் போயின
பார்த்தாலும் பார்க்காத புதிய நாட்களில்
எந்திரத்தோடு கெஞ்சும் மனிதனின் பயணம்...
யாரோ படைத்த பணத்தாலும்
யாரோ படைத்த மதத்தாலும்
வாய்விட்டு சிரிக்கமுடியாத வலிகளோடு
நாளும் தொடர்கிறது இந்த மனிதனின் பயணம்...
#சங்கர்_நீதிமாணிக்கம்
கருத்துகள் இல்லை:
கருத்துரையிடுக