பாதி நிறைந்த கோப்பை

எல்லோர் மனங்களையும் போல..

பாதி நிறைந்திருக்கிறது கோப்பை..

நிறையாத வெற்றிடத்தை பற்றி கவலை கொள்ளாமல்

நிறைந்திருக்கும் பாதியை பார்க்கையில்

வாழ்க்கையின் உண்மை பிடிபடுகிறது..

என்றைக்கும் முழுமையானதல்ல வாழ்க்கை..

எங்கும் எல்லாநேரமும் எல்லோரிடமும்

குறைகள் நிறையாமலே இருக்கும்..

வெற்றுக்கோப்பையை விட

பாதி நிறைந்தது சிறந்தது தானே..

மாய உண்டியலை நிரப்ப முடியாத கருமி போலவே

இந்த வாழ்க்கையின் தேடலில்

வாழ்க்கையின் முழுமையை தேடித்தேடி

முடிவில் நிறையாமலே முடித்துக்கொள்வதை விட

பாதி நிறைந்திருப்பதில் நிறைவு கொள்வோமே..